Бродовите моментално плаќаат просечно од 1,5 до 2 милиони долари за да поминат низ Ормускиот Проток

Бродовите моментално плаќаат просечно од 1,5 до 2 милиони долари за да поминат низ Ормускиот Проток, изјави Мохсен Занганех, член на Комитетот за планирање и буџет на иранскиот парламент, објави иранската новинска агенција Фарс.

Економскиот експерт Мансур Зара’неџад процени за агенцијата дека наплатата на транзитните такси треба да му донесе на Иран максимум 7,5 милијарди долари годишно.

Според Фарс, Агенцијата за управување со протокот (PGSA) започна со работа на почетокот на мај и досега доби барања од над 300 странски бродови за дозволи за безбеден транзит.

- Advertisement -

Поголемиот дел од барањата, дури 77%, дојдоа од бродови што го напуштаа Персискиот Залив, соопшти PGSA во објава на X.  Како дестинации, бродовите најчесто ги споменаа азиските земји, првенствено Кина и Индија.

Агенцијата наведува дека дестинациите на бродовите што поднесоа барања за влез во Персискиот Залив беа претежно во Обединетите Арапски Емирати.

Поради нападите на САД и Израел, Иран ја презеде контролата врз Ормускиот Проток, забранувајќи го транзитот на бродови поврзани со САД, Израел и нивните сојузници. Бродовите на „пријателски“ земји минуваат низ теснецот во координација со иранската армија.

Во мај, потпретседателот на иранскиот парламент, Али Никзад, објави нацрт-план за управување со Ормускиот Проток во 12 точки. Исто така, беше основана нова државна агенција чија задача е да го спроведе планот за управување во соработка со Министерството за економија и под надзор на Врховниот совет за национална безбедност, забележува иранската новинска агенција.