(Видео) Д-р Игор Балевски од Охрид е еден од само 17 лекари во светот кои вградуваат срцева залистка преку вена на ногата

Кардиолозите на Универзитетскиот клинички центар во Марибор ,под менторство на Др Игор Балевски успешно го извршија еден од најбараните и најсложените зафати во модерната кардиологија, вградување на нова срцева залистка преку вена на ногата, без отворање на градниот кош. Со овој успех, Словенија се потврдува меѓу европскиот врв во интервентната кардиологија.

Д-р Игор Балевски од Охрид, Северна Македонија, доцент на Медицинскиот факултет во Љубљана, е еден од само 17 лекари во целиот свет кои ја изведуваат оваа револуционерна минимално инвазивна метода. Зафатот е наменет за пациенти кај кои класичните хируршки методи не се возможни, а им нуди брз опоравок, минимален ризик и максимални резултати.

Наместо традиционалната отворена операција на срцето, залистката се вградува преку катетер воведен низ вена на ногата, без сечење на градниот кош и без употреба на апарат за вештачко срце и бели дробови. Ова е медицина на иднината, достапна денес, во нашиот регион.

- Advertisement -

За пациентите од Македонија и целиот Западен Балкан, присуството на д-р Балевски во оваа светска медицинска елита значи пристап до третман од највисок европски стандард, без напуштање на регионот.