Српската влада привремено ги намали акцизите за нафтени производи со одлука што ќе важи до 31 мај

Српската влада привремено ги намали акцизите за нафтени производи со одлука што ќе важи до 31 мај, објави Службен весник.

Акцизата за оловниот бензин сега изнесува 61,24 динари, за безоловниот бензин 57,6 динари, а за гасните масла 59,23 динари по литар.

Одлуката е донесена на 14 мај, како што е објаснето, поради зголемувањето на производствените цени на нафтените производи, поради порастот на цената на суровата нафта на светскиот пазар.