ОХРИДСКАЈ: НАРАЧАНА ХАЈКА ВРЗ „ДЕСАРЕТ” НА ОХРИД СОС , КОГА ПАРКИНГОТ ЧИНИ ПОВЕЌЕ ОД ВИСТИНАТА

Страницата „Охрид СОС” повторно се најде во улога на приватен извршител, овојпат насочувајќи ја својата хајка кон хотел „Десарет” во Пештани. Зад ударниот наслов за „распаднат кров” и „загрозени деца” се крие банална приказна за паркинг место и незадоволена приватна интересна група на Р.Т. Охридскај ги има фактите и документите.

ЗАКАНАТА КОЈА ГО ЗАПОЧНА СЕТО ОВА

Според информации со кои располага Охридскај, извор близок до случајот тврди дека вистинскиот повод за пријавата до Градежниот инспекторат не е никаков распаднат кров, туку многу помала и минорна работа , паркинг место на сосптвеник на апартмани во Пештани. Лице кое заедно со свој роднина поседува приватни апартмани непосредно до хотел „Десарет”, барало хотелски паркинг простор за своите гости. Кога добило одбивање, заканата дошла брзо и директно:

- Advertisement -

„Ако не ми даваш паркинг за апартманите, ќе ве пријавувам во Градежен инспекторат.”

Не поминало долго , пријавата следела. Потоа дошол инспекторот. Потоа дошол „Охрид СОС” со документи и вознемирувачки текст за „опасност по животот на децата.” Синџирот на настани е очигледен за секој кој сака да гледа.

Поставуваме директно прашање до „Охрид СОС”: Дали знаевте за оваа позадина кога ја објавувавте приказната? И ако знаевте , зошто ја премолчавте?

30 МИНУТИ, ГОЛЕМ ХОТЕЛ , КАКВА МЕТОДОЛОГИЈА?

Хотел „Десарет” е значаен хотелски комплекс со ресторански дел, повеќе сали, повеќе катови и голема површина на кровна конструкција. Секој кој го познава објектот знае дека и искусен градежен стручњак не би можел да изврши сериозен технички преглед ни за час, камоли за помалку од 30 минути.

Но овластениот инспектор при Општина Охрид , во рекордни 30 минути , пристигнала, го „прегледала” хотелот, ги „утврдила” наодите и заминала.

Се поставуваат клучни прашања:

• Како воопшто влегла во објектот , со чија дозвола, со чиј клуч, со какво овластување за влез во затворен хотел кој не работи во тој период?
• Според член 74 од Законот за инспекциски надзор, инспекторот е должен да го извести субјектот на надзор и да обезбеди негово присуство. Во документите стои дека немало претставник на субјектот , дали е почитувана оваа законска обврска?
• Според член 72 од истиот закон, инспекторот е должен да изврши увид на лице место и да состави теренски записник. Но во документите црно на бело стои: „Записникот е составен во канцеларија, бидејќи немаше услови за теренски записник на лице место.” Каква стручна проценка на кровна конструкција се прави  во канцеларија?
• Според член 128 од Законот за градење, инспекторот е должен да обезбеди стручна техничка документација за состојбата на конструкцијата. Каде е таа документација? Каде се мерењата, каде е техничкиот елаборат?
• Според член 137 став 1 од Законот за градење, изречената мерка мора да биде пропорционална на утврдената опасност. Доколку кровот навистина претставуваше опасност по животот на гостите, зошто хотелот не беше веднаш затворен? Зошто мерката гласи , санирај во мртва сезона до мај?

Одговорот е очигледен: Или опасноста не постои во мерката во која се претставува, или инспекцијата не е спроведена според законски пропишаната методологија. Трето не постои.

ДОКУМЕНТИТЕ НА ОХРИД СОС ГО ПОБИВААТ ОХРИД СОС

Иронијата е максимална , самите документи кои „Охрид СОС” ги објави како доказ за опасност, внимателно прочитани, го уриваат нивниот сопствен наратив:

• Надзорот е вонреден , не по редовна процедура, туку по конкретна приватна пријава
• На лице место немало претставник на хотелот , инспекцијата извршена зад грб на субјектот, спротивно на законот
• Записникот составен во канцеларија , не на терен, без теренска документација
• Надзорот траел 30 минути врз комплекс кој бара часови за сериозен стручен преглед
• Нема технички елаборат, нема мерења, нема стручно мислење од овластено лице
• Издадената мерка е санација во мртва сезона , доколку постоеше вистинска опасност по животот, хотелот ќе беше веднаш запечатен

Ниту забрана за работа. Ниту итна евакуација. Ниту вонредна мерка. Само  „санирај додека немаш гости.” Тоа не е профил на смртна опасност. Тоа е профил на административна формалност спроведена по нарачка.

ОХРИД СОС , АКТИВИЗАМ ИЛИ ПЛАТФОРМА ЗА ПРИВАТНИ СМЕТКИ?

„Охрид СОС” во својот текст зборува за „деца гости”, „архитектонско наследство” и „правда за жителите на Пештани.” Патетиката е на највисоко ниво. Фактите , на минимум.

Не е прв пат да оваа страница се јавува со громки обвинувања кои при поблиска анализа се распаѓаат. Не е прв пат дека зад „јавниот интерес” се крие приватен интерес на конкретни лица блиски до поднесувачот на пријавата.

Дали „Охрид СОС” воопшто верифицира информации пред да ги објави? Дали прашале и другата страна? Дали знаеле дека зад пријавата стои неисполнето барање за паркинг место?

Доколку не знаеле , тоа е новинарски неmar. Доколку знаеле , тоа е нешто друго.

НАМЕСТО ЗАКЛУЧОК

Хотел „Десарет” е дел од архитектонското и туристичкото наследство на Охридскиот Регион. Вработените во него се граѓани на овој град. Гостите кои доаѓаат се добредојдени туристи.

Доколку постои реален проблем со кровот , тој треба да се реши. Охридскај не го брани невнимание кон безбедноста.

Но она за кое зборуваме денес не е безбедност. Она за кое зборуваме е употребата на инспекциски механизми и квази-активистички платформи како алатка за притисок поради неисполнето барање за паркинг место.

Тоа не е активизам. Тоа е нешто за кое постои посериозен збор.

Охридскај ќе продолжи да го следи случајот и да бара одговори , од Општина Охрид, од надлежниот инспектор и од „Охрид СОС.”

Вистината не се плаши од паркинг места.

Охридскај ги поканува сите засегнати страни да се огласат со свој став и коментар,секако не задскриени зад лажни меил адреси,лажни фб профили,напротив ги поканувае лино во редакција.

С.Денесовски-Охридскај