Италија одобри екстрадиција на хакер осомничен за кражба на истражувања за коронавирусот

Италијанската влада одлучи да екстрадира кинески државјанин обвинет од САД за хакирање, вклучително и кражба на истражувања за COVID-19, објави денес Ројтерс, повикувајќи се на извор запознаен со случајот.

Одлуката доаѓа откако италијанскиот суд претходно овој месец пресуди дека Сју Зевеи може да биде екстрадиран во САД, каде што се соочува со обвиненија за компјутерска измама и кражба на идентитет.

Тој беше уапсен во Милано на 3 јули минатата година по барање на американските власти, кои го поврзаа со сајбер напади врз универзитети и истражувачки центри за време на пандемијата.

- Advertisement -

Според Министерството за правда на САД, Сју бил дел од група која во 2020 година ги таргетирала институциите вклучени во развојот на вакцини и третмани за COVID-19, а подоцна и во операции поврзани со сајбер шпионажа.\

Портпаролот на кинеското Министерство за надворешни работи ги критикуваше обвинувањата на САД, велејќи дека станува збор за политички мотивирани случаи и ја повика Италија да ја преиспита одлуката.

Адвокатот на обвинетиот, Енрико Џарда, рече дека неговиот клиент сè уште не добил официјално известување за екстрадиција, според Ројтерс.