ДЕЛ ОД БЕНЗИНСКИТЕ ПУМПИ ВО СЛОВЕНИЈА ЈА ОГРАНИЧИЈА ПРОДАЖБАТА НА ГОРИВО

Топ Вести - Слушај сега

На бензинските пумпи МОЛ и Шел во Словенија е воведено ограничување за купување гориво со цел да се обезбеди еднаков третман на сите клиенти, објавија медиумите во Словенија.

- Advertisement -

На бензинските пумпи на Мол се точат 30 литри за автомобили и 200 литри за камиони, додека Шел ја ограничи само количината на гориво за автомобилите до 100 литри.

Компанијата Петрол засега точи гориво без ограничување.

Компанијата МОЛ, во соопштението наведува дека итната мерка за ограничување на обемот на испораките на гориво треба да обезбеди еднаков третман за сите клиенти, да спречи недостиг и со тоа да обезбеди сигурна безбедност на снабдувањето. Тие наведуваат дека од почетокот на март се соочуваат со логистички проблеми, бидејќи не биле во можност да ги снабдуваат бензинските пумпи од магацинот со брзината со која клиентите точеле гориво, па на некои места имало периодичен недостиг на одредени видови гориво.

„Шел Адрија“ изјави дека оваа мерка се однесува на нивните малопродажни бензински пумпи, односно на оние што се првенствено наменети за патнички возила, но не и на пумпи наменети за камиони.

Компанијата Петрол засега нема никакви ограничувања, истакнувајќи дека снабдувањето со гориво на словенечкиот пазар останува стабилно, изворите на снабдување се загарантирани и нема системски прекини во снабдувањето со гориво на магацините.