Трамп им упати остра порака на сојузниците

Топ Вести - Слушај сега

Претседателот на САД, Доналд Трамп, повторно го критикуваше одбивањето на американските сојузници да испратат сили за заштита на Ормускиот Теснец, кој е блокиран од Иран по израелско-американската воена операција. Трамп се закани дека Вашингтон нема да се грижи за безбедноста на стратешкиот теснец.

- Advertisement -

Веќе неколку дена американскиот претседател е длабоко иритиран од одбивањето на главните сојузници на Вашингтон во НАТО, вклучувајќи ги Франција и Велика Британија, да им помогнат на САД да го деблокираат Ормускиот Теснец, низ кој транзитираа 20 отсто од светската сурова нафта пред војната на Блискиот Исток.

„Се прашувам што би се случило ако завршиме со она што остана од терористичката држава Иран и им дозволиме на земјите што имаат корист (ние немаме) од таканаречениот „Теснец“ да ја преземат одговорноста за тоа? Тоа би ги натерало некои од нашите неактивни сојузници да се заложат и тоа брзо!“, напиша Трамп на својата социјална мрежа Трут соушл.

Вчера Трамп го опиша одбивањето на повеќе земји-членки на НАТО да им помогнат на САД како „навистина глупава грешка“, а потоа објави дека нивната помош всушност не е потребна, по што објави и дека Вашингтон „ќе се надева дека ќе добие некаква помош“ во откривањето мини во Заливот.

Во исто време, американските сили лансираа антибункерски бомби кон иранските лансери лоцирани во близина на теснецот.

Генералниот секретар на НАТО Марк Руте рече дека земјите-членки на НАТО разговараат за „најдобриот начин“ за отворање на Ормускиот Теснец.

– Секако, сите се согласуваме дека теснецот мора да се отвори. Според информациите што ги имам, сојузниците во моментов работат заедно и разговараат за најдобриот начин да дејствуваат и да го деблокираат – рече Марк Руте, кој е во посета на северна Норвешка, каде што се одржува воената вежба „Студен одговор“.