Бројот на жртви во протестите во Иран надмина 500

Топ Вести - Слушај сега

Бројот на жртви во протестите во Иран надмина 500, соопшти денеска новинска агенција со седиште во САД.

- Advertisement -

Активистите за човекови права денеска соопштија дека 538 лица се убиени во двонеделните демонстрации – 490 демонстранти и 48 припадници на безбедносните сили. Приведени се повеќе од 10.600 лица.

Агенцијата предупреди дека бројот на жртви веројатно ќе продолжи да расте.

Бројките не се независно потврдени.

Бројот на жртви според активистите за човекови права е значително поголем од вчера, кога агенцијата објави најмалку 116 мртви.

Претходно денеска норвешката невладина организација „Човекови права во Иран“ соопшти дека бројот на жртви во двонеделните протести се искачил на 192.

Бројката, која исто така не е независно потврдена, претставува нагло зголемување во однос на претходниот број на жртви на организацијата од 51. Организацијата предупреди дека бројот на жртви може да биде уште поголем бидејќи интернет-врската во Иран е прекината веќе неколку дена, што го отежнува пребројувањето.

Протести за Иран во Лондон, фото: EPA/NEIL HALL