Европската централна банка (ЕЦБ) ги задржа сите три клучни каматни стапки на исто ниво – референтната каматна стапка за депозити на 2%, каматната стапка за главните операции за рефинансирање на 2,15% и каматната стапка за маргиналната кредитна линија на 2,4%.
Банката ги објави и новите проекции за инфлацијата во еврозоната. Таа за годинава е се предвидува да изнесува 2,1% за следната година, 1,7% и во 2027 година 1,9%.
Очекуваната стапка на базична инфлација во еврозоната е 2,4% во 2025 година, 1,9% во 2026 година и 1,8% во 2027 година.
Проекциите наведуваат дека економскиот раст во еврозоната се очекува да изнесува 1,2% оваа година, додека прогнозата за 2026 година е 1%, а за 2027 година, 1,3%.
