Младите машки одбојкари изгубија од колегите од Црна Гора

Машката одбојкарска репрезентација на Македонија до 19 години го заврши настапот на БВА Балканскиот шампионат на шестото место. Во денешниот натпревар за пласман на 5.место Црна Гора оствари победа од 3:1 во сетови (25:17; 20:25; 25:19 и 25:22).

Кадетите имаа многу добро претставување на Балканијадата на која запишаа две победи над БиХ со 3:1 во групата фаза и над Грција со 3:2 во разигрувањето за пласман.

Македонија загуби од Романија 3:2 по голема борба, како и од Турција 3:0 во групата, додека од Црна Гора поразот беше во разигрувањето.