Иран се подготвува за одговор на американските напади

Иран го задржува правото на сите опции за самоодбрана по бомбардирањето на иранските нуклеарни постројки од страна на САД, објави иранскиот министер за надворешни работи, Абас Аракчи, на платформата X, нагласувајќи дека нападите на САД се „скандалозни“ и ќе имаат „трајни последици“.

Иранскиот министер изјави дека САД, како постојана членка на Советот за безбедност на Обединетите нации, извршиле сериозно кршење на Повелбата на Обединетите нации со напаѓање на нуклеарните постројки на Иран.

„Настаните од утрово се скандалозни и ќе имаат трајни последици. Секоја членка на ОН мора да биде вознемирена од ова исклучително опасно и криминално беззаконие“, истакна Аракчи.

- Advertisement -

Иран го задржува правото на сите можности да го брани својот суверенитет, своите интереси и својот народ, во согласност со Повелбата на Обединетите нации и одредбите што дозволуваат легитимен одговор во самоодбрана, заклучи иранскиот министер.

Американските сили бомбардираа три ирански нуклеарни објекти рано утрово, објави американскиот претседател Доналд Трамп во неделата, нагласувајќи дека операцијата била исклучително успешна и дека објектите биле „тотално уништени“.

Трамп му се закани на Иран со нови напади доколку Техеран не се согласи на мир, нагласувајќи дека САД ќе одговорат на каква било одмазда со „уште посилна сила“.ИРА