Боинг ќе испорача 50 авиони годинава

По еден месец, владата во Пекинг ја укина забраната кинеските авиокомпании да купуваат авиони од американскиот производител Боинг, што се смета за директна последица од договорот меѓу Кина и САД за привремено намалување на тарифите на 90 дена, кој беше постигнат во Женева.

На почетокот на оваа недела, кинеските власти ги информираа тамошните авиокомпании и надлежните државни агенции дека можат самостојно да го организираат преземањето авиони Боинг, во согласност со нивните сопствени услови.

Боинг планира да испорача околу 50 авиони на кинески клиенти оваа година.

- Advertisement -

Неколку авиони на Боинг претходно одбиени од Кина веќе се вратени во САД, а интерес за пренасочените авиони покажаа Индија, Малезија и Саудиска Арабија.

Во 2018 година, речиси една четвртина од производството на авиони на Боинг заврши на кинескиот пазар, но во последните години бројот на нарачки од Кина се намали, како поради трговски спорови, така и поради внатрешни проблеми во компанијата.

Во меѓувреме, кинеските клиенти почнаа да увезуваат повеќе европски авиони Ербас, што доведе до губење на дел од пазарниот удел на Боинг во азиската земја.