Бројот на загинати само расте, се очекуваат уште лоши вести

Најмалку 218 лица го загубија животот при завчерашното уривање на покривот на ноќниот клуб „Џес Сет“ во Санто Доминго, главен град на Доминиканската Република, јавија светските агенции, повикувајќи се на шефот на спасувачките тимови.

– За жал, според прелиминарните податоци, загинаа 218 лица – изјави за новинарите Хуан Мануел Мендез, директор на Центарот за итни операции.

Тој додаде дека 189 луѓе се спасени.

- Advertisement -

Причините за уривањето на покривот сè уште не се познати, а локалните власти започнаа истрага. Сцената на несреќата се опишува како хаотична и ужасна, со сведоци кои раскажуваат дека паниката и вресоците не престанале со часови по уривањето.

Пејачот Руби Перез, познат како „највисокиот глас на меренгето“, беше миленик на генерации и симбол на доминиканската музика. Неговата смрт предизвика шок и тага низ целата земја.

Меѓу жртвите се и познатите бејзбол играчи Октавио Дотел и Тони Енрике Бланко Кабрера, како и Нелси Круз – гувернерка на северозападната провинција Монтекристи.