Полицијата вчера казни 841 возач

Само за еден ден, полицијата низ цела Македонија казни дури 841 возач поради разни сообраќајни прекршоци. Како што покажуваат бројките, возачите никако да научат – најмногу се казнувале за неправилно паркирање, дури 270 случаи, а веднаш по тоа следат оние што возеле пребрзо, нив ги имало 214.

Во рамки на вчерашната контрола, полицијата фати и 82 возачи без возачка дозвола Контролите се однесувале и на други прекршоци, па така биле изречени и 65 казни за неносење сигурносен појас, како и 28 за користење мобилен телефон додека се вози.

Има и такви кои продолжуваат да возат пијани – пет возачи биле фатени под дејство на алкохол, шестмина поминале на црвено, а шестмина пешаци исто така направиле прекршоци. Дополнително, шестмина мотоциклисти биле фатени без заштитна кацига.

- Advertisement -

Полицијата од сообраќај биле исклучени 17 нерегистрирани возила и осум технички неисправни возила, што значи дека акцијата опфатила и безбедносен технички аспект, а не само казнување на возачи.

Од МВР најавуваат дека сообраќајните контроли ќе продолжат и во наредните денови.

„Апелираме до сите учесници во сообраќајот да ги почитуваат правилата и прописите. Само така можеме да придонесеме за поголема безбедност на патиштата и да спасиме животи“, велат од Министерството.