Министерот Дурмиши: Реформата на работните односи е инвестиција во праведен и одржлив пазар на труд

Министерот за економија и труд, г. Бесар Дурмиши, учествуваше и се обрати на конференцијата „Реформа на Законот за работни односи – предизвици и насоки“, која се одржа на 2 април 2025 година во хотел Александар Палас – Скопје.

Конференцијата ги собра претставниците на синдикатите, работодавачите, меѓународните организации и експертите од областа за да дискутираат за можните насоки на реформата на законот за работни односи.

Во своето обраќање, министерот Дурмиши нагласи дека реформата не е само технички процес, туку одлука за насоката што треба да ја заземе пазарот на трудот во нашата земја.

- Advertisement -

„Не одлучуваме само за текст на закон – туку како сакаме да изгледа пазарот на трудот. Работниот однос не е само договор – туку жив однос што носи сигурност, достоинство и напредок,“ истакна министерот.

Тој посочи дека современите предизвици бараат јасен правен систем – флексибилен за работодавачите, правичен за работниците и функционален за државата.

„Ниту една реформа не е лесна, но нема успех без храброст, партнерство и заедничка визија. Ова е наша заедничка можност да изградиме силна основа за идните генерации,“ рече Дурмиши. Конференцијата претставува значаен чекор кон сеопфатен процес на реформа на трудовото законодавство, со цел изградба на праведен, модерен и одржлив пазар на труд.