Скопјанец обвинет за монструозен напад врз жена, ОЈО бара итен притвор

Основното јавно обвинителство Скопје поведе истражна постапка против 37-годишен маж од Скопје, кој е осомничен за кривично дело „Полов напад и силување“ од член 186 став 3 во врска со став 1 од Кривичниот законик. Обвинителството поднесе барање за притвор, со образложение дека постои опасност од бегство и можност за повторување на делото.

Според истрагата, осомничениот на 21 февруари во автомобил сопственост на неговиот татко, насилно извршил обљуба врз жена, принудувајќи ја на сексуален однос против нејзина волја. Жртвата во текот на нападот давала активен отпор, но осомничениот ја удирал со боксови и тупаници по главата и телото, како и со нога во лицето, предизвикувајќи ѝ крварење. И покрај нејзините обиди да се ослободи и избега, тој ја принудил на сексуален однос.

„Обвинителството достави предлог за определување мерка притвор поради сериозноста на делото и можноста осомничениот да се даде во бегство или да го повтори делото“, соопштија од ОЈО Скопје.

- Advertisement -

Судијата на претходна постапка треба да одлучи дали ќе го прифати предлогот на обвинителството и ќе му одреди притвор на осомничениот.