Земјотрес ги погоди грчките острови Аморгос и Санторини

Земјотрес со јачина од 5,1 степени според Рихтеровата скала ја погоди областа меѓу грчките острови Аморгос и Санторини во понеделник наутро, јавува Anadolu.

Грчките институции го регистрираа потресот непосредно пред 10 часот по локално време со епицентар на 21 километар од Аркесини, јужно од Амаргоса.

Нема информации за штети или повредени, но земјотресот се почувствувал во делови од островската група Киклади, што ги загрижи жителите и локалните власти.

- Advertisement -

Повеќе од 18.400 земјотреси се регистрирани на островите на овој архипелаг во периодот од 26 јануари до 13 февруари, покажуваат податоците на Универзитетот во Атина.

Аморгос и уште три острови прогласија вонредна состојба до 11 март.

Сеизмолозите продолжуваат да ја следат областа за можни последователни потреси.

Грчката влада планира да изгради пристаниште за итни случаи на Санторини.

Грчкиот министер за цивилна заштита и климатски промени Василис Кикилијас во интервју за АНТ1 изјави дека во случај на силен земјотрес, жителите на Санторини треба да го напуштат крајбрежјето и да заминат на повисоките места.

Тој потврди дека владата донела одлука за изградба на пристаниште за итни случаи во соработка со грчките вооружени сили.