Радев бара Скопје да се држи до „европскиот консензус од 2022 година“

Претседателот на Бугарија, Румен Радев, на средбата со претседателот на Европскиот совет на ЕУ, Антонио Кошта, во рамки на Минхенската безбедносна конференција вчера рекол дека Бугарија не прифаќа измени на договорите со Македонија.

Според Радев, наведената амбиција на земјите од Западен Балкан за влез во ЕУ е можност за проширување на просторот врз основа на принципите на демократијата и владеењето на правото и со тоа ќе се зајакне стабилноста на регионот.

– Република Северна Македонија да започне со вистинска имплементација на европскиот консензус од 2022 година. Бугарија не наметнува нови барања во однос на европската перспектива на РСМ, но и не прифаќа промени во постигнатите договори, вградени во преговарачката рамка – рекол бугарскиот претседател на средбата.