И покрај прекинот на огнот: Медиумите објавија дека Палестинец загинал во израелски напад

Палестинските медиуми јавуваат дека едно лице загинало во напад на израелско беспилотно летало во областа Рафах во јужниот дел на Појасот Газа.

Израелските одбранбени сили (ИДФ) сè уште не го коментирале овој последен напад врз Палестинците, пишува „Тајмс оф Израел“.

Израелските сили остануваат распоредени на границата меѓу Египет и Газа, а ИД ги предупреди Палестинците да не се приближуваат до областа.

- Advertisement -

Важно е да се истакне дека овој напад доаѓа откако израелскиот премиер Бенјамин Нетанјаху го услови Хамас дека прекинот на огнот во Газа ќе биде прекршен доколку не ги ослободи израелските заложници.

Американскиот претседател Доналд Трамп го охрабри Израел да повика на ослободување на преостанатите заложници, а не само на тројцата кои треба да бидат ослободени во следната размена.

Нетанјаху рече дека владата го „поздравила“ барањето на Трамп заложниците да бидат ослободени до сабота напладне, „и сите ние ја поздравивме револуционерната визија на претседателот за иднината на Газа“.

Закана за прекин на огнот во Газа, Нетанјаху испрати порака и постави ултиматум до Хамас

Хамас во понеделникот соопшти дека ќе го одложи планираното ослободување на израелските заложници, обвинувајќи го Израел за кршење на условите од договорот за прекин на огнот.