Трамп вели дека судирот меѓу хеликоптерот и авионот можел да се спречи
Претседателот на САД, Доналд Трамп, изрази уверување дека судирот меѓу хеликоптерот на американската армија и патничкиот авион на компанијата „Американ ерлајнс“ можел и требало да се спречи.
„Авионот беше на совршена и рутинска линија за пристап до аеродромот. Хеликоптерот долго време се движеше право кон авионот. Беше јасна ноќ, светлата во авионот беа запалени, зошто хеликоптерот не се качи нагоре или надолу или не се сврти, зошто Контролната кула не им кажа на тие во хеликоптерот што да прават, наместо да ги праша дали го виделе авионот? Ова е лоша ситуација што требаше да се спречи“, напиша претседателот на САД на социјалната мрежа „Truth Social“.
Во втората објава за несреќата, Трамп упати благослов.
„Каква страшна ноќ беше ова. Господ да ве благослови сите“, напиша Трамп.
Да потсетиме, во американските медиуми се појавија детали за последните моменти пред судирот. Асошиетед прес пишува дека еден од контролорите на летот, на помалку од 30 секунди пред падот, го прашал пилотот на хеликоптерот дали може да го види авионот.
ЗА НАС
ОhridSky е ваш доверлив извор за сеопфатно и избалансирано покривање на вестите. Со посветеност на интегритет и точност, обезбедуваме длабинско известување кое ги открива приказните што се најважни.
Links
© 2025 OhridSky. Сите права задржани.
