Во Полициското одделение во струшкото село Велешта било пријавено нарушување на јавниот ред и мир за време на прослава во куќа во Вевчани

Вчера во 04:06 часот, во Полициското одделение во струшкото село Велешта било пријавено нарушување на јавниот ред и мир за време на прослава во куќа во Вевчани, информираат од полицијата.

Според пријавата, на прославата дошло до вербална расправија и викање меѓу неколку малолетни лица, при што ситуацијата ескалирала.

Во еден момент, еден од малолетниците со стаклен предмет го нападнал својот соученик, при што му нанел повреди.

- Advertisement -

Од полицијата наведуваат дека по целосно расчистување и документирање на случајот, против инволвираните ќе биде поднесен соодветен поднесок.

Се преземаат дополнителни мерки за целосно утврдување на околностите околу инцидентот.