Две лица беа убиени во четвртокот во Калесија, општина во Босна и Херцеговина, а сторителот е во бегство. Портпаролот на кантоналното обвинителство во Тузла, Адмир Арнаутовиќ, потврди дека се пронајдени телата на жена и на нејзиниот 13-годишен син, објави Мондо.
Како што беше кажано, мажот ги убил сопругата и синот, а полицијата моментално трага по него. Телата се пронајдени во станбено-деловен објект, а според неофицијални информации, мажот и жртвата Инела С. биле формално разведени, но живееле заедно.
– Повеќе детали ќе се знаат подоцна – рече Арнаутовиќ.
Тој додаде дека засега не е познат начинот на убиство.
Според познатото, Селимовиќ работела на пазарот во станбено-деловната зграда каде што живеела со синот и со поранешниот сопруг.
