Цивилната заштита на Појасот Газа, која е управувана од Хамас, денеска објави за 19 загинати во израелските воздушни напади врз енклавата

Цивилната заштита на Појасот Газа, која е управувана од Хамас, денеска објави за 19 загинати во израелските воздушни напади врз енклавата, додека Израел упорно се обидува да го уништи исламистичкото движење и да ги спаси преостанатите заложници, киднапирани пред 20 месеци.

– Нашите тимови транспортираа 19 мртви и неколку десетици ранети по воздушните напади во различни делови од Појасот Газа изминатата ноќ и рано утрово – изјави портпаролот на цивилната заштита, Махмуд Басал.

Тој тврди дека повеќето од жртвите се жени и деца.

- Advertisement -

Израелската армија ја засили својата офанзива во Појасот Газа во последните денови со цел да го уништи исламистичкото движење Хамас и да ги спаси преостанатите заложници.

Тие заложници беа киднапирани на 7 октомври 2023 година, кога борците на Хамас од Газа влегоа во Израел и нападнаа рурални заедници – кибуци и млади на музички фестивал, што предизвика војна меѓу двете страни. Се претпоставува дека Хамас држи уште 59 заложници, од кои само 24 се живи.