ВЕЕЛ ПАЛЕСТИНСКО ЗНАМЕ НА НАТПРЕВАР, ДОБИ 550 ЕВРА КАЗНА

Претседателот на младинско движење на Левица Андреј Куцуловски вчера попладне бил приведен откако за време на ракометен натпревар на кадетите меѓу Македонија и Израел, кој се одржа во спортската сала „Јане Сандански“ во Скопје, го истакнал палестинското знаме, информира Левица во објава на социјалните мрежи.

Од МВР информираа дека Куцуловски е приведен за сторен прекршок по член 3 од Законот за спречување насилство и недостојно однесување на спортски натпревари.

Левица денеска информираше дека Куцуловски е пуштен од полициска станица, со изречена казна од 550 евра за „поттикнување насилство и омраза“.

- Advertisement -

Од Левица тврдат дека при интервенцијата во спортската сала полицијата употребила сила и најавуваат дека ќе ги искористат сите правни и институционални механизми за расчистување на случајот.

„Државата казнува солидарност, а премолчува насилство! Ако нешто јасно се виде од овој случај, тоа е бруталноста со која системот се однесува кон оние што не се покоруваат“, пишува опозициската партија во објавата.