Украл пари и стока, па се обидел повторно по неколку дена

Основното јавно обвинителство Скопје поведе постапка против 39-годишен државјанин на Косово осомничен за тешка кражба и обид за истото дело.

Според информациите, на 11 април осомничениот со тесла го скршил стаклото од влезната врата на тобако-маркет во Скопје. Потоа влегол во објектот, пребарувал и одзел пари од дневниот промет, алкохолни пијалоци, цигари и други производи.

Вкупната вредност на украденото се проценува на околу 52.900 денари. По кражбата, тој избегал од местото со велосипед.

- Advertisement -

Неколку дена подоцна, на 18 април, повторно се обидел да влезе во истиот маркет на идентичен начин. Но, овојпат бил забележан од минувачи и вработени, кои веднаш го пријавиле случајот во полиција.

Од обвинителството посочуваат дека постои опасност од бегство, особено затоа што осомничениот престојувал во државата без пријава. Поради тоа, доставен е предлог до судија на претходна постапка за определување мерка притвор.