Цените на нафтата продолжија да паѓаат утрово, додека инвеститорите ја оценуваат зголемената активност на превозот низ Ормускиот Проток и покрај тоа што брод беше погоден од неидентификуван проектил покрај брегот на Оман

Цените на нафтата продолжија да паѓаат утрово, додека инвеститорите ја оценуваат зголемената активност на превозот низ Ормускиот Проток и покрај тоа што брод беше погоден од неидентификуван проектил покрај брегот на Оман.

Меѓународните фјучерси на суровата нафта Брент за август паднаа за 2,05% на 73,70 долари за барел. Фјучерси на американската сурова нафта Западен Тексас Интермедијар за август паднаа за 2,11% на 70,45 долари за барел.

Инцидентот на брегот на Оман ја згоелеми безбедносната загриженост и ги зголеми стравувањата дека Иран би можел да изврши поголема контрола врз сообраќајот на клучниот воден пат, додека неколку комерцијални бродови се вратија назад, загрозувајќи го напредокот постигнат преку мировните напори на САД и Иран.

- Advertisement -

Вашингтон и Техеран продолжуваат да преговараат за траен договор за прекин на конфликтот, иако се очекува разговорите за клучни прашања како што е нуклеарната политика да останат продолжени.

Дури и со најновото нарушување, протокот на нафта од Персискиот Залив преку Ормуз го достигна најбрзото темпо од почетокот на војната.

Производителите од Блискиот Исток го зголемуваат производството и покрај тешкотиите да обезбедат доволно танкери за транспорт на дополнителната сурова нафта.