Цената на становите во последниот квартал лани пораснала за 10,6%

Цената на становите во последниот квартал лани пораснала за 10,6%, покажуваат податоците на Народната банка.

Според овие податоци во текот на целата измината година цената на становите е во пораст. Така во првиот цената забележала раст од  4,6%, во вториот од 11,5%, а во третиот 8%

Трендот на поинтензивен раст на цената на становите во земјава започна на крајот на 2021 година кога во четвртиот квартал имаше раст од 11,3%. Највисок раст на цената на становите во последните години имаше во 2022 година кога во третиот квартал цената на становите порасна за 21,3 %.

- Advertisement -

Во Скопје, просечната највисока цена на квадратен метар лани изнесувала 1.680 евра. Во декември просечната цена на становите во општина Центар изнесувала 1.919 евра, во Карпош 1.852, а во Аеродром 1.696 евра.

Почетокот на годинава е во рамки на повеќегодишен тренд има благо намалување на цената. Денеска, според податоците на платформата за анализа на пазарот на недвижнини во Скопје, цената на квадратен метар стан во општина Центар изнесува 1.893 евра, во Карпош  1.843 евра, а во Аеродром 1.715 евра.

Во последните години растат и цените на становите во другите градови во земјава како што и расте интересот за градење.