Три лица се повредени во судир меѓу „мерцедес“ и „ауди“ што се случил синоќа на мостот „Беласица“ во Скопје

Три лица се повредени во судир меѓу „мерцедес“ и „ауди“ што се случил синоќа на мостот „Беласица“ во Скопје. Во несреќата повредени се двајцата возачи и еден сопатник, а според првичните информации, повредите се полесни.

Сообраќајката била пријавена во 20:50 часот, информира Министерството за внатрешни работи.

Според изваштајот од МВР, несреќата се случила на мостот „Беласица“, по крстосницата со улицата Ѓуро Ѓоновиќ, во правец кон Ист гејт.

- Advertisement -

Во судирот учествувале „мерцедес“ со скопски регистарски ознаки, управуван од 37-годишниот М.П. од Скопје, и „ауди“, исто така со скопски регистарски ознаки, зад чиј волан бил 21-годишниот О.Ц., исто така од Скопје.

– Од незгодата возачите и еден сопатник се здобиле со телесни повреди – информираат од полицијата.