ТРИ ЕГЗЕКУЦИИ ЌЕ СЕ ИЗВРШАТ ВО ИСТ ДЕН ВО САД

Во американските сојузни држави Тенеси, Алабама и Оклахома за во четврток е планирано извршување по една смртна казна. Доколку бидат извршени сите три егзекуции, тоа ќе биде прв таков случај во САД од 2010 година.

Совпаѓањето на датумите во голема мера е случајно, но егзекуциите покажуваат дека примената на смртната казна во САД е концентрирана во мал број сојузни држави, изјави извршната директорка на Информативниот центар за смртната казна, Робин Мар.

Во 2025 година во 11 сојузни држави биле извршени вкупно 47 егзекуции, што е најголем број од 2009 година. Од нив, 19 биле извршени во Флорида. Од почетокот на оваа година, во четири сојузни држави се извршени 19 смртни казни.

- Advertisement -

Последен пат три егзекуции во САД биле извршени во ист ден на 7 јануари 2010 година, во сојузните држави Луизијана, Охајо и Тексас. Во 2018 година, исто така, биле закажани три егзекуции, но била извршена само една.