ТРАНСПЛАНТИРАНА КОСКА КАЈ 69-ГОДИШЕН МАЖ Пациентот имал инфекција на бутната коска
Кај 69-годишен пациент, извршена е трансплантација на коскен дефект од шест сантиметри на левата бутна коска поради претходна инфекција и псеудоартроза. Пациентот е со уреден постоперативен тек, информира денеска Министерството за здравство.
„Трансплантацијата ја извршија д-р Антонио Гавриловски со асистентите д-р Бојан Будик, д-р Теодора Божиновска и д-р Ангел Тасевски, анестезиолог д-р Лилјана Ангелевска, специјализант по анестезија д-р Ерхан Салкоски, инструментарка Татјана Дукадиновска, помошник инструментарка Биљана Троановиќ, сестра-анестетичар, Мерита Рамадами, болничар Дардан Сељмани и радиолошки техничар, Крешник Шеху“, соопшти Министерството за здравство.
Националниот координатор за трансплантација проф. д-р Билјана Кузмановска изрази благодарност и почит до сите здравствени работници вклучени во процесите на трансплантација.
– Дарувањето органи е највисока форма на човекољубие и хуманост во моменти на лична и семејна загуба. Самиот чин на дарување, да се спасат неколку други животи или да се подобри квалитетот на живот, кога семејството е во голема болка од загубата, секогаш ме остава без здив од нивната хуманост и величина – додава Кузмановска.
ЗА НАС
ОhridSky е ваш доверлив извор за сеопфатно и избалансирано покривање на вестите. Со посветеност на интегритет и точност, обезбедуваме длабинско известување кое ги открива приказните што се најважни.
Links
© 2025 OhridSky. Сите права задржани.
