ТОМ КРУЗ ЌЕ ГЛУМИ ВО ПРОДОЛЖЕНИЕТО НА „ДЕНОВИ НА ГРОМОТ“

Американското филмско студио „Парамаунт“ ќе снима продолжение на филмот „Денови на громот“ (Days of Thunder) од 1990 година. Во тек се преговори со Џонатан Левин за режија, потврдија за „Холивуд репортер“. Том Круз ќе ја повтори својата улога од автомобилската драма, но исто така, ќе го продуцира филмот со Џери Брукхајмер – еден од продуцентите на оригиналот.

Интересот на „Парамаунт“ за Левин се смета за знак на самодоверба по неговата спортска драма „Господин нерелевантен“. Филмот, во кој глуми Дејвид Коренсвет, треба да се прикаже во кината за Божиќ и доби одлични критики на пробните проекции оваа пролет.

Оригиналниот „Денови на громот“ ги обедини Круз и режисерот Тони Скот по успехот на „Топ ган“, иако не успеа да го достигне својот претходник. Приказната беше за Кол Трикл, возач на НАСКАР-трките кој живее брзо, уништува автомобили, ја наоѓа љубовта и на крајот ја освојува главната трка. Том Круз и Никол Кидман се запознале во 1989 година на снимањето на филмот, па во декември 1990. и се венчаа.

- Advertisement -

Во првиот филм, освен Том Круз и Никол Кидман, глумеше и Роберт Дувал, кој почина во февруари годинава, како и актерите Кери Елвис и Ренди Квејд.

Подробностите за содржината на продолжението засега се чуваат во тајност. Познато е дека сценариото е потпишано од Вил Стејплс, кој работеше на видеоигри како „Кол оф дјути 3“, како и акциониот филм „Без каење“ (Without Remorse) со Мајкл Б. Џордан.