Талула објави делче од секојдневјето на татко ѝ кој боледува од деменција

Фотографијата е уште еден од ретките погледи во животот на 71-годишниот Брус, кој последните години речиси целосно се повлече од јавноста. Во 2022 година семејството соопшти дека тој се повлекува од актерството откако му беше дијагностицирана афазија, а во февруари 2023 година откри дека состојбата напредувала во фронтотемпорална деменција.

- Advertisement -

Семејството на актерот во изминатиот период често споделува мали моменти од неговиот живот, а неодамна Брус повторно беше фотографиран по повод голем семеен настан. Во август тој присуствуваше на свадбата на Талула и музичарот Џастин Аси во Ајдахо, каде што беше снимен во друштво на ќерка му и нејзиниот сопруг.

Талула и Аси се венчаа на 8 август во дворот на семејниот дом во Хејли, Ајдахо. За свадбата Талула носеше специјално изработена венчаница од „Баленсијага“, за која биле потребни дури 712 часа работа.

Брус има три ќерки со поранешната сопруга Деми Мур – Румер, Скаут и Талула – и уште две ќерки, Мејбл и Евелин, со сопругата Ема Хеминг Вилис. Семејството остана блиско и откако неговото здравје се влоши, а неговите најблиски продолжуваат да го штитат од медиумското внимание.