Судијата Иван Колевски и стечајот на СН Осигурителен Брокер: Прашањата кои институциите одбиваат да ги одговорат

Топ Вести - Слушај сега

Охридакај · 18 април 2026

- Advertisement -

Рочиштето од 17 април 2026 пред Основен суд Битола само ги продлабочи прашањата со кои нашата редакција се занимава од ноември 2025 година. Одложувањето на испитното рочиште за 12 јуни 2026 дојде откако Охридскај однапред предупреди дека истото ќе биде одложено. Но клучниот проблем не е роковникот , туку она што се случува зад затворени врати.

Судијата Колевски: Профил и прашања за постапувањето

Стечајната постапка CT-52/25 ја води стечаен судија Иван Колевски, избран за судија во Основен суд Битола во 2023 година. Согласно јавно достапните биографски податоци, Колевски дипломирал на Правниот факултет во Скопје и го завршил магистериумот на Универзитетот во Виена во областа на меѓународното бизнис право. Претходно работел како судски соработник во Апелациониот суд во Битола.

Во текот на постапката, нашата редакција, но и други медиуми, покренаа низа прашања за одлуките донесени под негово раководство:

На сите овие прашања, нашата редакција побарала коментар од судијата Колевски. До моментот на објавување, одговор не е добиен.

Зад кулисите на рочиштето: Барање за реструктурирање на Одборот на доверители

Она што официјалниот записник не го содржи е, според информациите на Охридскај, барање поставено на рочиштето од 17 април. Даница Цутеска и Владе Пазаркоски, претставници на Финансиско друштво Фактор Ин Скопје, наводно побарале , во свое и во името на осигурителните компании  Фактор Ин да остане во Одборот на доверители, а наместо останатите членови да се постават претставници на осигурителни компании и Стопанска Банка.

Ова барање е во најмала рака спорно: поголем дел од осигурителните компании кои се споменати во него фигурираат во книговодствените документи на СН Осигурителен Брокер во стечај , како должници. Дали вакво барање може правно да се поднесе во нивно „заедничко” име и дали истото воопшто е законски допуштено , тоа се прашања кои судот мора јавно да ги разреши.

Судскиот совет и претседателот Камбоски: Зошто молчи надзорниот орган?

На 3 јануари 2025 година, за претседател на Судскиот совет на РСМ е избран Бобан Камбоски , поранешен судија на Основен суд Битола (2010–2017), подоцна судија во Апелациониот суд Битола. Токму Судскиот совет е надлежниот орган за дисциплинска одговорност на судиите.

Охридскај претходно упатил јавен повик до Судскиот совет да ја провери работата на судијата Колевски во предметот CT-52/25. Со оглед на сериозноста на наводите , вклучувајќи можно постапување спротивно на член 94 и член 96 од Законот за стечај, кои обврзуваат судот да ги штити интересите на доверителите , неактивноста на Советот останува необјаснета.

Редакцијата располага и со информации , кои сè уште се во фаза на верификација , дека одредени лица блиски до случајот би можеле да бидат во посредна врска со одлуки или со нивно одложување (позната дама од бизнис секторот во Битола) Имињата на тие лица нема да ги објавиме сè додека не бидат потврдени по повеќе независни извори. Ова е стандард на кој Охридскај се придржува.

Наводи за ветување за унапредување: Сериозна обвинување која бара истрага

Охридскај прима информации дека на судијата Колевски наводно му биле ветувани услуги за унапредување на работната позиција , конкретно именување за претседател на Основен суд Битола , во замена за одредено постапување во предметот CT-52/25. Ова се изнесени наводи кои, ако се вистинити, претставуваат тешко кривично дело.

Бидејќи, со оглед на неговата биографија и изборот во 2023 година, судијата Колевски е релативно нов во функцијата, прашањето за брзо унапредување на претседателска позиција дополнително бара транспарентно образложение од страна на Судскиот совет.

Охридскај официјално бара:

(1) Судскиот совет јавно да се произнесе дали ги разгледал наводите за работата на судијата Колевски;

(2) Државната комисија за спречување корупција да го земе предметот CT-52/25 под лупа;

(3) Основното јавно обвинителство Битола да истражи дали списокот на наводни должници содржи фалсификувани исправи, согласно член 378 од Кривичниот законик.