Меланија и Доналд Трамп ја прославија Новата година на неговиот имот во Палм Бич, Флорида, а заедно со нејзиниот црн фустан, социјалните мрежи ги „освои“ и снимката од нив двајцата додека танцуваа на дочекот.
Двојката беше снимена како пее и танцува на хитот „YMCA“ на „Вилиџ пипл“ од 1978 година, а социјалните мрежи беа преплавени со снимки од тој момент.
Најстариот син на Доналд, Доналд Трамп Џуниор објави снимка на која новоизбраниот претседател и неговата сопруга можеа да се видат како се дружат на забавата со бројни познати личности.
„Никогаш во мојот живот не помислив дека Меланија Трамп ќе танцува на „YMCA““, напиша еден од многуте корисници на Х кои беа изненадени од снимката.
Додека Трамп ги покажуваше своите препознатливи движења, Меланија изгледаше многу поопуштено од изданијата во кои луѓето се навикнати да ја гледаат.
Доналд беше придружуван од Илон Маск, кој на забавата пристигна со својот четиригодишен син X AE A-XII носејќи го на рамениците.
Друг детаљ за кој многумина коментираа е модниот избор на Меланија, односно долгиот црн фустан со асиметрични прерамки и златен детаљ на една од рамениците како и високиот шлиц на едната страна од фустанот.
