Сите притрчаа да ѝ помогнат во незгодната ситуација

Холивудската актерка Кејт Хадсон се појави на проекција и панел дискусија на серијата „Running Point“, во која глуми, а за таа прилика избра црн фустан со големи шлицови.

Но, во еден момент фустанот се искина на левата страна. Погледнете го видеото.

- Advertisement -

Пред публиката во „The Paley Center for Media“ во Мидтаун (Њујорк), модераторката Саманта Бери ја прашала актерката зошто ѝ е важно да биде извршна продуцентка на оваа серија на Нетфликс, а Хадсон пред да одговори, почувствувала како нејзиниот фустан се кине на левата страна, и извикала: „Охх“.

Актерката веднаш ја ставила раката на градите и почнала да се смее бидејќи била свесна дека публиката може да ѝ ги види градите.

Нејзината колешка Бренда Сонг застанала пред неа за да ја заштити од љубопитните очи, а на помош ѝ дошле и актерот Џастин Теру и модераторката Саманта Бери.

„Ова намерно го направив“, се пошегувала таа, но само половина час подоцна ѝ се случи истото, па пукнала од смеење: „Толку се возбудив“.

Само 30 минути подоцна, Хадсон го доживеала истото откако ѝ аплаудирала на својата колешка Џеј Елис. Меѓутоа, овој пат ѝ помогнал само Џастин Теру. Хадсон подоцна посебно ја пофалила својата колешка Бренда Сонг, која станала и застанала пред неа за да ја заштити од несаканите погледи од публиката.

Во хумористичната серија на Нетфликс, Хадсон ја игра Исла Гордон, која е одвоена од семејниот бизнис поради нејзиниот бунтовнички дух, но потоа добива можност да води еден од најуспешните кошаркарски тимови, ЛА Вејвс. Серијата доби одлични критики од критичарите и публиката, а доби висока оцена од 7,5 на ИМДб.