СИНОТ И ВНУКАТА НА ЈОСИП БРОЗ ТИТО ВО ОПУШТЕНО ИЗДАНИЕ

Театарската режисерка Саша Броз ги израдува своите следбеници на социјалните мрежи објавувајќи ретки фотографии со својот татко, Александар Миша Броз, синот на поранешниот југословенски претседател Јосип Броз Тито. Тој со години се држи подалеку од очите на јавноста, па семејните фотографии предизвикаа големо внимание.

На фотографиите Александар е во опуштено расположение, а неговите изрази на лицето покажуваат дека смислата за хумор не го напуштила ниту во поодминатите години. Неговата ќерка покрај фотографиите сподели и духовита порака.

– 86 години мудрост, но тато и понатаму повеќе сака да прави гримаси.

- Advertisement -

Таа дополнително објасни дека не слават роденден, откако дел од следбениците помислиле дека фотографиите се објавени по тој повод и почнале да му испраќаат честитки.

– П. С. Не му е роденден, само констатирам дека годините не се услов за сериозност. Сепак, ви благодарам на убавите желби – напиша Саша.

Александар Мишо Броз е роден на 24 мај 1941 година, во бракот на Јосип Броз Тито и Херта Хас. Професионалната кариера во најголем дел ја изгради во стопанството и дипломатијата.

Во текот на осумдесеттите и деведесеттите години извршуваше високи функции во хрватската нафтена компанија ИНА. По осамостојувањето на Хрватска се приклучи на дипломатската служба. По препорака на тогашниот претседател Фрањо Туѓман стана советник на министерот за надворешни работи.

Подоцна работеше во хрватските дипломатски претставништва во Русија и Египет, а од 2004 до 2009 година беше хрватски амбасадор во Индонезија. По завршувањето на дипломатската кариера се повлече од јавниот живот.

Со сопругата Мира има две деца – ќерката Саша и синот Андреј.

Саша е афирмирана театарска режисерка која изгради сопствена професионална кариера на сцената.