Пожарникар го предупредил го предупредил познатиот американски поткастер и шоумен Џо Роган дека ако „вистинскиот ветар“ зафати еден од многуте шумски пожари во Калифорнија, Лос Анџелес ќе гори сè до океанот, пишуваат западните медиуми. Роган го обзнани ова во негов поткаст пред шест месеци.
Во интервјуто сокомичарот Сем Морил минатиот јули, 57-годишниот Роган му открива на Морил дека го напуштил Лос Анџелес токму поради стравот од големи пожари.
– Три пати бев евакуиран од мојата куќа поради пожари. За време на последниот пожар до темел изгореа две куќи пред мојата – вели Роган.
Тој опишува дека било „проклето страшно“ да се гледа како пожарот се приближува до неговиот дом и како тој, неговата сопруга и децата решиле да заминат пред да биде издадена официјална наредба за евакуација.
– Пожарот на крајот помина низ нашето соседство и уништи 40 куќи – додаде тој.
Потоа следува делот од интервјуто кој нашироко се споделува на социјалните мрежи. Роган открива што му рекол еден пожарникар:
– Тој ми рече: „Еден ден, кога ќе ветрот, кога огнот ќе почне на вистинското место, ќе гори цел Лос Анџелес сè до океанот и ние нема да можеме ништо да направиме“.
Пожарникарот рекол и дека луѓето во градот имале среќа со ветровите.
Ветровите кои со ураганска силина дуваат во шумите околу Лос Анџелес достигнуваа брзина и до 60 метри на час. Пожарникарите трет ден се борат со огнените стихии, а засега нема најави за намалување на интензитетот.
Пожарот се прошири во Холивуд каде опустоши голем дел од куќите на познатите филмски ѕвезди и јавни личности во САД.
На повеќе од 100.000 луѓе им беше наредено да се евакуираат.
Трамп Џуниор, синот на новоизбраниот американски претседател Доналд Трамп, на Икс објави гостување на негвоиот татко кај Џо Роган во кое Трамп вели дека државата Калифорнија избегнува да изгради резервоари за вода и да управува со своите шуми за да спречи шумски пожари.
Трамп Џуниор исто така тврди дека Лос Анџелес ѝ донирал на Украина дел од својата пожарникарска опрема, претставувајќи го тоа како причина за неуспехот со справувањето со пожарот.
