Министерот за одбрана на Босна и Херцеговина Зукан Хелез во вторникот го одбил барањето на Србија за прелет на летало на БиХ на 8 и 9 јануари, со објаснување дека не сака Белград на тој начин да учествува во одбележувањето на Денот на Република Српска.
Во 2015 и 2019 уставниот суд на БиХ го прогласи чествувањето на денот кога беше прогласена Република Српска за неуставен. Во 1992 година пратениците од српска националност во собранието на тогашнта Социјалистичка република Босна и Херцеговина прогласија формирање „република на српскиот народ“ во БиХ, како крајна цел дефинирајќи го обединувањето на РС со Србија.
Барањето за прелет на српски воздухоплов го испратила српската амбасада во Сараево по најавата дека речиси сите министри на српската влада, предводени од премиерот Милош Вучевиќ, во среда ќе отидат во Бања Лука.
Денеска во Бања Лука е планирана свечена академија, а в четврток треба да се одржи вообичаената парада во која ќе учествуваат припадниците на ентитетската полиција.
Претседателот на Република Српска, Милорад Додик, нема да присуствува на церемонијата бидејќи се опоравува дома по комплицираната хируршка процедура што ја имаше на хранопроводот и стомакот на почетокот на декември во Белград.
Тој на на платформата Икс го објави видеото „Роден за вечност“,велејќи дека РС и оваа година гордо го дочекува 9-ти јануари – Денот на Републиката.
