Санкциите против рускиот енергетски сектор се разорни за Кремљ

Lorita
By Lorita 3 Min Read
Disclosure: This website may contain affiliate links, which means I may earn a commission if you click on the link and make a purchase. I only recommend products or services that I personally use and believe will add value to my readers. Your support is appreciated!
- Advertisement -
Ad image

Американскиот претседател во заминување, Џо Бајден, синоќа изјави дека рускиот претседател, Владимир Путин, е „во лоша позиција“ откако САД и Велика Британија соопштија за воведувањето нови координирани санкции против рускиот енергетски сектор поради војната во Украина.

– Навистина е многу важно да не му се даде никаков одмор – изјави американскиот претседател за неговиот руски колега.

Американската и британската Влада вчера објавија нови санкции против рускиот енергетски сектор, вклучително и „Гаспромњефт“, со цел да се прекине „најголемиот извор на финансирање на Кремљ“ што ја помага војната во Украина.

Бајден на прес-конференција рече дека санкциите може да доведат до зголемување на цената на бензинот за 3 или 4 центи по галон.

– Но, тоа ќе има многу поголемо влијание врз капацитетот на Русија да продолжи да дејствува како што дејствуваше во водењето на војната – рече Бајден.

Неколку дена пред инаугурацијата на новиот претседател на САД, Доналд Трамп, на 20 јануари, американското Министерство за финансии објави серија санкции насочени, меѓу другото, против двете главни руски компании во овој сектор, „Гаспромњефт“ и „Сургутнефтгас“.

Лондон воведе санкции и за двете компании, кои, според него, „самите произведуваат повеќе од милион барели нафта дневно, што по сегашните цени вреди околу 23 милијарди долари годишно“.

Одлуката веднаш беше осудена од „Гаспромњефт“, подружница на државната групација „Гаспром“, како „неоправдана и нелегитимна“, јавија руските медиуми.

Помошникот советник за национална безбедност на Белата куќа, Далип Синг, рече дека санкциите се најголемите што САД некогаш ги вовеле на рускиот енергетски сектор.

- Advertisement -
Ad image

– Овие санкции силно ги погодија сите клучни алки во синџирот на производство и дистрибуција на руската нафта – додаде тој.

Британското Министерство за надворешни работи изјави и дека приходите од нафта се „суштински за руската воена економија и претставуваат околу една четвртина од вкупниот буџет на Русија во 2023 година“.

– Акциите, насочени кон нафтените компании, ќе ја исцрпат руската воена ризница, а секоја рубља земена од рацете на Путин ќе придонесе за спасување животи на Украина – изјави шефот на британската дипломатија Дејвид Лами.

- Advertisement -
Ad image

Вашингтон вчера објави и санкции за околу 200 танкери што работат за потребите на Русија и се претставени како дел од таканаречената „фантомска флота“ на Москва, која се користи за заобиколување на санкциите. Некои од овие танкери се регистрирани под знамето на Барбадос или Панама.

Покрај производителите на нафта и бродовите, американските санкции се насочени кон целиот синџир, што влијае на голем број посредници, даватели на услуги во нафтените полиња, како и на политички претставници од секторот.

Share This Article