Сафир на дијамантска нараквица од колекцијата на Романови продаден за 4,1 милион швајцарски франци

Сафир од колекцијата на Романови, вграден во дијамантска нараквица, е продаден на аукција за повеќе од 4,1 милион швајцарски франци, соопшти аукциската куќа „Сотби“ (Sotheby’s).

Овој цејлонски сафир од 197,80 карати станал дел од колекцијата на скапоцености на руското царско семејство во 19 век и претставува еден од најзначајните сочувани скапоцени предмети од рускиот двор.

Се верува дека сафирот некогаш му припаѓал на руското царско семејство и се опишува како исклучително редок скапоцен камен.

- Advertisement -

На аукцијата одржана доцна синоќа во Женева, се очекуваше тој да постигне цена меѓу 850.000 и 1,7 милиони франци.

Купувачот, кој е приватен колекционер, не е именуван.

Според „Сотби“, сафирот бил заведен во попис по Руската револуција, пред да биде понуден од советската влада за време на продажбата на царските богатства.