Руте не верува дека Путин би се осмелил да нападне членка на Алијансата

Русија за 3 месеци произведува онолку муниција колку што НАТО успева да произведе за една година, иако таа е економски 20 пати поголема од Русија, рече денеска генералниот секретар на НАТО, Марк Руте.

– Русија се префрли на воена економија. Ние сè уште не сме го сториле тоа. Треба да го забрзаме производството и да ја намалиме бирократијата – рече Руте на Минхенската безбедносна конференција.

Тој ја нагласи потребата од побрзо прилагодување на одбранбените капацитети на НАТО.

- Advertisement -

Тој, исто така, рече дека членките на Алијансата ќе треба да ги зголемат трошоците за одбрана „значително повеќе од 3 проценти од БДП“.

Од друга страна, Руте рече и дека рускиот претседател Владимир Путин не би се осмелил да нападне земја на НАТО.

– Москва ќе се соочи со жесток и деструктивен напад од Алијансата доколку тоа се случи – рече Руте.