Русија загубила 38.000 војници во Курската област?
Русија претрпе значителни загуби во последните пет месеци од судирите со украинските сили во руската Курска област, изјави украинскиот претседател Володимир Зеленски во синоќешното обраќање.
– Во операцијата во Курск, непријателот веќе загуби 38.000 војници само на оваа насока, од кои околу 15.000 се неповратни загуби – тврди Зеленски.
Тој додаде дека украинските сили создале тампон-зона во Курската област и дека нивното напредување ја спречило Москва да распореди сили на клучни фронтови во Украина.
Украина започна офанзива во Курската област во август, при што зазеде територии, иако руската армија тврди дека вратиле значителен дел од нив. Киев изјави дека неговите сили започнале нова офанзива, но без многу детали.
Според проценките на Украина и западните сојузници, околу 11.000 севернокорејски војници се борат во регионот заедно со руските сили. Москва не го потврди ниту демантираше ова присуство.
Вчера, руското Министерство за одбрана соопшти дека украинската офанзива е запрена и дека главните сили биле уништени кај селото Бердин.
ЗА НАС
ОhridSky е ваш доверлив извор за сеопфатно и избалансирано покривање на вестите. Со посветеност на интегритет и точност, обезбедуваме длабинско известување кое ги открива приказните што се најважни.
Links
© 2025 OhridSky. Сите права задржани.
