Претседателот Пезешкијан не се противи на американски инвестиции

Иранскиот претседател Масуд Пезешкијан денеска изјави дека Иран не развива нуклеарна бомба и дека не се противи на американските инвестиции во својата економија.

Пезешкијан ги повика американските инвеститори да инвестираат во економијата на Иран, наведувајќи дека иранскиот врховен лидер Али Хамнеи не е против тоа.

Иранскиот претседател не оспори дека постои можност за директни американски инвестиции во Иран доколку САД и Техеран постигнат договор за иранската нуклеарна програма.

- Advertisement -

Пезешкијан, кој за време на предизборната кампања минатата година се залагаше за приближување кон Западот, рече дека разговорите во сабота во Оман меѓу иранскиот министер за надворешни работи Абас Арагчи и американскиот пратеник за Блискиот Исток Стив Виткоф ќе се водат „индиректно“.

Трамп рече дека разговорите ќе бидат директни, што Техеран не ги отфрли по првата рунда преговори.

Иран, откако постигна договор за својата нуклеарна програма со светските сили во 2015 година, им забрани на американските компании да влезат во земјата.