Поранешниот тениски ас Рафаел Надал (39) и неговата сопруга Мери Перељо (37) станаа родители по вторпат

Поранешниот тениски ас Рафаел Надал (39) и неговата сопруга Мери Перељо (37) станаа родители по вторпат.

Според пишувањата на шпанските медиуми, Мери се породила на 7 август во болница во Палма де Мајорка, а семејството дискретно ја напуштило клиниката два дена подоцна.

Вториот син на парот го добил името Мигел – наводно во чест на таткото на Мери, кој починал пред две години по тешка болест. Иако брачната двојка досега не ја потврдила официјално веста, информацијата брзо се прошири во јавноста.

- Advertisement -

Надал и Перељо веќе го имаат синот Рафаел Јуниор, кој сега има речиси три години. Со новиот член, семејството Надал стана четиричлено, а тенисерот – кој минатата година со емотивен говор се збогуваше со професионалниот спорт – сега е целосно посветен на приватниот живот.

Парот е познат по дискретноста кога станува збор за приватните моменти. Се венчаа во 2019 година на Мајорка, по 14-годишна врска, во интимна церемонија далеку од медиумите. И двете бремености на Мери беа внимателно чувани од очите на јавноста, со ретки појавувања и без споделување детали.