Окружниот суд во Варшава денеска одби да го екстрадира украинскиот нуркач Володимир Ж., кого Германија го сомничи за саботажа на руско-германскиот гасовод Северен поток во Балтичкото Море во 2022 година

Окружниот суд во Варшава денеска одби да го екстрадира украинскиот нуркач Володимир Ж., кого Германија го сомничи за саботажа на руско-германскиот гасовод Северен поток во Балтичкото Море во 2022 година.

Полските власти на 30 септември го уапсија Украинецот, кој живее и работи во Полска, врз основа на европската потерница, со која Германија побара негова екстрадиција.

Но, по судската пресуда 49-годишниот Володимир Ж. е ослободен.

- Advertisement -

Треба да се нагласи дека денешната пресуда нема никаква врска со тоа дали осомничениот го сторил кривичното дело за кое Германија го бара, туку само со тоа дали таквото кривично дело може да послужи како основа за потерница. Судот не доби никакви докази. Документот испратен од германската страна содржеше само општи формулации на една страница од А4 формат, се наведува во образложението на Судот.

Премиерот на Полска, Доналд Туск на платформата Икс објави дека судот постапил правилно кога одбил да го екстрадира украинскиот нуркач во Германија и денеска го ослободил.

– Точно. Прашањето е затворено, наведе Туск.

Шефот на полската дипломатија Радослав Шикорски изјави дека Полска е подготвена да му даде азил на Володимир Ж.

Претходно и италијанскиот суд во Болоња одби да екстрадира друг Украинец, Сирхиј Кузнецов во Германија, кој е баран поради саботажа на истиот гасовод.