Официјално: Пеп Гвардиола ќе го напушти Манчестер Сити на крајот од сезоната

Пеп Гвардиола ќе го напушти Манчестер Сити на крајот од сезоната, со што ќе заврши една од најуспешните ери во историјата на англискиот фудбал, официјално потврди клубот од „Етихад“.

Италијанскиот стручњак пристигна во Сити во 2016 година, а во текот на десет сезони освои 20 големи трофеи и стана најодликуваниот менаџер во историјата на клубот. Сепак, Гвардиола нема целосно да ја напушти „Сити Фудбал Груп“, бидејќи ќе ја преземе улогата на глобален амбасадор и советник за проекти во рамките на групата.

„Ништо не е вечно. Да беше така, ќе останев тука засекогаш. Но, чувството, луѓето, спомените и љубовта кон Манчестер Сити ќе останат со мене засекогаш“, рече Гвардиола во емотивната порака за збогум.

- Advertisement -

Тој, исто така, се потсети на бројни моменти за време на неговиот престој во Манчестер, од големи победи до тешки периоди во неговиот живот, вклучувајќи ја и смртта на неговата мајка за време на пандемијата на коронавирус.

„Работевме, страдавме, се боревме и правевме сè на наш начин. Овој град ме научи многу“, рече Гвардиола.

Претседателот на Манчестер Сити, Халдун Ал Мубарак, истакна дека Гвардиола засекогаш го променил клубот и фудбалот како целина.

„Пеп не само што го направи Манчестер Сити подобар, туку го направи и фудбалот подобар“, рече Ал Мубарак.

Гвардиола зад себе остава импресивна ера обележана со шест титули во Премиер лигата, една титула во Лигата на шампионите, три ФА купа, пет Лига купа, Светското клупско првенство на ФИФА и бројни рекорди.

Под негово водство, Сити стана првиот клуб во историјата на англискиот фудбал што освоил четири последователни титули во Премиер лигата, а сезоната 2022/23 ќе биде напишана со златни букви по освојувањето на тројната круна – Премиер лига, ФА куп и Лига на шампиони.

Неговиот последен натпревар на клупата на Манчестер Сити ќе биде против Астон Вила, со што ќе заврши мандат од 593 натпревари