Од Јавната установа Национален парк „Пелистер“ информираа дека поради наглото заладување и ниските температури, дождот на највисоките делови од планината преминал во снег

Од Јавната установа Национален парк „Пелистер“ информираа дека поради наглото заладување и ниските температури, дождот на највисоките делови од планината преминал во снег.

„Променливото време и ниската температура дождот го претворија во снег, со што Пелистер, како крал на планините во Македонија, и понатаму останува непредвидлив и моќен“, соопштија од ЈУ НП „Пелистер“.

Фотографијата од снежниот врв е направена од вработените на пунктот на Националната радиодифузија на врвот Пелистер.

- Advertisement -

Наглата временска промена се почувствува и во Битола. Додека вчера во 17 часот биле измерени 26 Целзиусови степени, денеска во истиот термин температурата изнесувала само 12 степени, односно за само едно деноноќие е забележан пад од 14 степени, а температурата продолжува да се намалува.