Нови урагански ветрови со брзина од 65 километри на час се најавени во текот на денот во Лос Анџелес каде што за неполни 48 часа избија 6 шумски пожари. Додека повеќе од 137.000 луѓе ги напуштија своите домови, 2.000 градби остануваат уништени, цел кварт во Холивуд е опустошен, а вкупната опожарена територија се проценува на повеќе од 8.000 хектари.
Нема ниту вода за пиење бидејќи е загадена, а квалитетот на воздухот е на опасно високо загадувачко ниво, јавува Би-Би-Си. Огнените јазици однесоа најмалку пет жртви.
Гори во близина на познатиот симбол на Холивуд. Гори на булеварот Сансет. Познати ѕвезди и јавни личности од САД останаа без покрив над главите. Претседателот Џо Бајден го откажа патувањето во Италија, а откажана е и церемонијата на Оскарите.
Силните ветрови и сувите услови го отежнаа справувањето со пожарите. Еден шеф на противпожарната служба во Лос Анџелес изјави за Би-Би-Си дека има „нула шанси“ да се локализираат пожарите.
На социјалните мрежи се коментира дека ова лесно може да се нарече и „пекол на земјата“.
Иако ветровите се намалија во Санта Ана во текот на ноќта, се чини дека допрва претстои битка со пламените јазици.
