Новак Ѓоковиќ за првпат се огласи по неочекуваниот пораз во првото коло на УС Опен и потврди кога ќе се врати на теренот

Новак Ѓоковиќ за првпат се огласи по неочекуваниот пораз во првото коло на УС Опен и потврди кога ќе се врати на теренот.

Српскиот тенисер се враќа на турнирот „Чајна Опен“ (China Open) во Пекинг, каде што има неверојатен учинок – одиграл 29 меча и ниту еднаш не претрпел пораз.
Реал Мадрид обезбеди засилување од НБА; „Кралевите“ сериозно се подготвуваат за новата сезона.
Ѓоковиќ претходно веќе се пријави за турнирот од серијата АТП 500 што започнува на 30 септември, а сега и лично потврди дека повторно ќе игра во кинеската престолнина по неколкугодишна пауза.

Пекинг е едно од најуспешните места во неговата блескава кариера. Ѓоковиќ таму освоил пет титули, притоа останувајќи непоразен.

- Advertisement -

Неверојатен учинок во Пекинг
Учинокот на Ѓоковиќ на „Чајна Опен“ изгледа речиси неверојатно: 29 победи од 29 одиграни меча.

Тој пет пати го кренал трофејот, па ќе се обиде да го врати победничкиот ритам во Пекинг по раната елиминација на УС Опен.

Враќањето на теренот пред кинеската публика – со која низ кариерата негува одличен однос – исто така ќе претставува посебен извор на мотивација.

Ѓоковиќ испраќа порака до кинеските навивачи
Српскиот тенисер го потврди своето враќање со посебна порака, не криејќи ја радоста што повторно ќе игра во Пекинг. „Многу сум среќен што можам да објавам дека по многу години се враќам во Пекинг на турнирот ’Чајна Опен‘. Возбуден сум што се враќав и што ќе играм пред сите вас во Националниот тениски центар, едно од најубавите места во тенисот, место за кое ме врзуваат неверојатни спомени и големи успеси во текот на мојата кариера.“

Тој особено им се заблагодари на кинеските навивачи за поддршката низ годините.

„Сакам да им се заблагодарам на сите кинески навивачи за долгогодишната љубов и поддршка. Со нетрпение очекувам повторно да играм пред вас.“

Така, турнирот во Пекинг ќе биде првиот настап на Ѓоковиќ по разочарувачкиот УС Опен, а ќе биде интересно да се види дали тој ќе успее да го задржи совршениот учинок на турнирот каде што никогаш не ја почувствувал горчината на поразот.