Нов инцидент на европското небо: Авион пренасочен поради закана со бомба

Авион што летал од Даблин кон Рим во четвртокот бил пренасочен кон Франција поради закана за поставена бомба, соопшти француската влада.

Од кабинетот на францускиот премиер Себастиен Лекорну изјавија дека ситуацијата внимателно се следи.

Според веб-страниците за следење летови, пренасочениот авион наводно му припаѓа на ирскиот национален авиопревозник „Ер Лингус“ (Aer Lingus), пренесува „Еуроњуз“ (Euronews).
Инцидентот се случува по серијата закани за поставени бомби, насочени кон десетина европски летови во вторникот. Според надлежните, овие закани довеле до краткотрајно затворање на аеродром во Варшава, додека во Рим биле кренати во воздух воени авиони.

- Advertisement -

Британската влада овие инциденти ги окарактеризира како „злонамерни лажни закани за бомби“.